Тарих аптасының қорытындысы «Week of History»

«Рухани қазына» кіші бағдарламасын іске асыру аясында Ақмола облыстық тарихи – өлкетану музейі Станционный кентінің № 7 мектебінде облыстық музейдің ғылыми қызметкерлері оқушыларды облыстық музей қорының археологиялық және этнографиялық жәдігерлерімен, сондай-ақ ғылыми-зерттеу және іздеу жұмыстарының нәтижесі бойынша тарихи материалдармен таныстырып, «Week of  History» («Тарих аптасы») өткізді.

Іс-шара мақсаты – ұлттық тарих пен мәдениетті музей құндылықтары арқылы дәріптеу, халық дәстүрлеріне, тарих пен мәдениетке қызығушылығын арттыру және оларды құрметтеу, рухани-адамгершілік құндылықтарын қалыптастыру, сондай-ақ өскелең ұрпақты облыстық музей базасындағы «Мирас» және «Жас экскурсия жүргізуші» үйірмелері арқылы өлкетану жұмысына тарту, «Рухани қазына» кіші бағдарламасын іске асыру аясында оқушылардың ғылыми-танымдық қызметін кеңейту.

«Week of  History» бағдарламасында:

- «Шоқан Уәлихановтың мұрасы», виртуалды экскурсия

- «Күміс сиқыры» экспозициялық – көрме жобасының аясында «Күміс сиқыры» (музей сабағы)

- Ақан серінің 175-жылдығына арналған «Мәңгілік әуені» дәрісі

- Аттас жобаның аясында «Алаш қайраткерлері – өлке тарихында» тақырыптық дәрісі