КЕНЕСАРЫ ХАНҒА АРНАЛҒАН ЕСКЕРТКІШ ТАҚТА ОРНАТЫЛДЫ

Ақмола облыстық тарихи-өлкетану музейінің «тарихшылар қауымдастығы» мен Қазақстан мұсылмандары Діни басқармасының ұйымдастыруымен 2022 жылы 8 желтоқсанда «Хан ордасы Көкшетау: Кенесары ұлттық қаһарман» атты конференция өткізілді.

Конференция барысында бірнеше ұсыныстар енгізіліп, қарары қабылданды. Сол қарардың бірі - биыл Түркістан облысы Кентау қаласында Кенесары Қасымұлы оқыған Қарнақ медресесінде Кенесары ханға арналған ескерткіш тақта орнату. Ескерткіштің ашылуына қатысқан белгілі  этнограф, ғалым Жамбыл Артықбаев Көкшеліктердің ыстық ықыласын жеткізді.