Тарих аптасының қорытындысы «Week of History»

Туған жеріне, оның мәдениетіне, салт - дәстүрлеріне ерекше қөзқарас – патриотизмнің маңызды ерекшелігі. Бұл кез келген ұлтты индивидтердің жинағы емес,ұлт ретінде қалыптастыратын мәдени-генетикалық кодының негізі.

8 қазаннан бастап 12 қазан аралығында Ақмола облыстық тарихи – өлкетану музейі № 2 ОМЛ-де «Week of  History» («Тарих аптасы») өткізді. Облыстық музейдің ғылыми қызметкерлері оқушыларды музей қорының археологиялық және этнографиялық жәдігерлерімен, сондай-ақ ғылыми-зерттеу және іздеу жұмыстарының нәтижесі бойынша тарихи материалдармен таныстырды. 

Іс-шара мақсаты – ұлттық тарих пен мәдениетті музей құндылықтары арқылы дәріптеу, халық дәстүрлеріне, тарих пен мәдениетке қызығушылығын арттыру және оларды құрметтеу, рухани-адамгершілік құндылықтарын қалыптастыру, сондай-ақ өскелең ұрпақты облыстық музей базасындағы «Мирас» және «Жас экскурсия жүргізуші» үйірмелері арқылы өлкетану жұмысына тарту, «Рухани қазына» кіші бағдарламасын іске асыру аясында оқушылардың ғылыми-танымдық қызметін кеңейту.

«Week of  History» бағдарламасында:

- «Шоқан Уәлихановтың мұрасы», виртуалды экскурсия

- «Күміс сиқыры» экспозициялық – көрме жобасының аясында «Күміс сиқыры» (музей сабағы)

- Аттас жобаның аясында «Алаш қайраткерлері – өлке тарихында» тақырыптық дәрісі

- «Есіл: бастау көзінен тармақтарына дейін» ғылыми – зерттеу жобасы бойынша тақырыптық дәрісі

- «Тоқыма аумағы: үздіксіз жіп» ғылыми – зерттеу жобасы бойынша тақырыптық дәрісі