Құдайберлі Рахымбекұлының 60 жас мерейтойына арналған “Көкшенің Көктұйғыны - Құдаш ақын” атты кездесу кеші өтті
Кеше Ақан сері ат. Мәдениет колледжінде "Көкшенің Көктұйғыны - Құдаш ақын” атты Құдайберлі Рахымбекұлының 60 жас мерейтойына орай кездесу кеші өтті. Кездесу кешінде ақынның балалық шағы, айтысқа қалай келгендігі туралы сұрақтар қойылып, өлеңдері жатқа оқылды. Жалпы, поэзияның адамзатты рухани тәрбиелеуде орны ерекше. Қазіргі қоғамда жас ұрпақ технологиямен бірге ізгілік иірімдерін де ұғына түсуі керек. Дидарласу барысында студенттермен қоса мұғалімдердің де өлең-жырға сусындап қалғаны олардың қол шапалақтап, демеу беріп отырғандарынан сезілді. Рас, смартфонды көп ұстайтын балаларға бір сәт кітап парақтап, іздегенін әдебиеттен тапса, одан артық білім мен тәрбие табылар ма екен?! Қорыта айтқанда Ақан сері ат. Мәдениет колледжінің ұжымы бұл кешке тыңғылықты дайындалғаны байқалды.
Құрылған күні: 19.09.2024 15:25
Жаңартылған күні: 19.09.2024 15:31
Қаралым саны: 790
