«Үздік экскурсовод» облыстық байқауы

Егер театр киім ілгіштен басталса, музей экскурсия жүргізушіден басталатыны анық. Ең алғашқы болып келушілерді экскурсия жүргізуші қарсы алады және көп нәрсе оның шеберлігіне байланысты болады. Мықты экскурсия жүргізуші ең қарапайым деген экспозициядан да тамаша экскурсияны өткізеді. Ол тек экскурсияны бірегей мәліметтермен толықтырмай, қызықты фактілерге де назар аудартады. Дәл бұл адам музей келушілерінде тарихи және мәдени мұраға деген қызығушылықты қалыптастырады.

2017 жылы 3 наурызда Ақмола облыстық тарихи-өлкетану музейі 2017-2018 жж. арналған музейлер мен музей-қорықтарды дамытудың Жол картасын жүзеге асыру аясында Ақмола облысы музейлерінің арасында «Үздік экскурсовод» облыстық байқауын музейлердің ағарту жұмысын белсендіру, экскурсиялық қызмет көрсетудің сапасын және тиімділігін, музей мамандығының беделін арттыру мақсатымен өткізді.

Байқауға облыстың 9 музейлерінің экскурсия жүргізушілері қатысты: Целиноград ауданы, Ақмол с. «Саяси қуғын-сүргін және тоталитаризм құрбандарының «АЛЖИР» мемориалды-мұражай кешені», Ақмола облыстық тарихи-өлкетану музейі, Көкшетау қ. тарихы музейі, Мәлік Ғабдуллин музейі, әдебиет және өнер музейі, Атбасар қ. І.Есенберлин әдеби музейі, Степногор тарихи-өлкетану музейі, Бөгенбай батыр атындағы Ерейментау тарихи-өлкетану музейі және Щучье тарихи-өлкетану музейі. Байқаудың ашылу рәсіміне Ақмола облысы мәдениет басқарма басшысының орынбасары Г.С. Бекназарова, Ақмола облысы туризм басқармасының басшысы Ш.Б. Батырханов қатысты. Әрбір қатысушы өзінің жеке портфолиосын ұсынды, виртуалдық экспозиция бойынша экскурсия өткізді және «Бір жәдігердің тарихы» шығармашылық турда және «Музейге шақыру» блиц-байқауда өз білімін, кәсіби шеберлігін көрсетті. Байқауды қазылар алқасы бағалады. Байқаудың қорытындысы бойынша І.Есенберлин әдеби музейінің қор сақтаушысы Құралай Жақыпова жеңімпаз атанды. Екінші орынды Мәлік Ғабдуллин музейінің экскурсоводы Абзал Балтабаев, ал үшінші орынға Ақмола облыстық тарихи-өлкетану музейінің экскурсоводы Әсем Сейтова иеленді. Ақмола облысының туризм басқармасы атынан құрметті дипломдармен «Саяси қуғын-сүргін және тоталитаризм құрбандарының «АЛЖИР» мемориалды-мұражай кешенінің» экскурсоводы Анар Хасенова және Ақмола облыстық тарихи-өлкетану музейінің экскурсоводы Айғаным Зарлықова марапатталды.