Халықаралық Жер күніне арналған «Туған жер» атты шығармалар байқауына қатысушылардың салтанатты марапаттау рәсімі
30 сәуір күні Ақмола облыстық тарихи-өлкетану музейінде Халықаралық Жер күніне арналған «Туған жер» атты шығармалар байқауына қатысушылардың салтанатты марапаттау рәсімі өтті.
Жер күнін мерекелеу қарсаңында Ақмола облыстық тарихи-өлкетану музейі өскелең ұрпақтың экологиялық санасы мен мәдениетін қалыптастыру, қоршаған ортаның өзекті мәселелеріне көңіл аудару, табиғатты қорғауға, аялауға тәрбиелеу мақсатында «Туған жер» атты шығармалар байқауын ұйымдастырды.
Байқауға Көкшетау қаласының 20 білім беру мекемелерінің оқушылары қатысты. Олар өздерінің 54 шығармашылық жұмыстарын тапсырды.
Өнерпаз дарынды балалармен жұмыс жүргізу жөніндегі ООӘ орталығының жетекшісіне және тәрбиеленушілеріне тамаша концерттік бағдарлама үшін алғысымызды білдіреміз!
Байқаудың қорытындысы бойынша жүлделі орындарға ие болды: 1 орын - М.Габдуллин атындағы №3 КМГ-ң оқушысы Мұсабек Асылжан; 2 орын - №7 ОМ-ң оқушысы Юрченко Софья; 3 орын - «Әулет» МТЖО-ң «Основы моделирования» үйірмесінің тәрбиеленушісі Жұмабаев Әділет және С.Жүнісов атындағы №18 ОМЛ-ң оқушысы Джандосова Динара.Құрылған күні: 30.04.2019 18:28
Жаңартылған күні: 30.04.2019 18:28
Қаралым саны: 1555
