Марапаттау рәсімі

Құрметті достар! Бүгін, Мәдениет және өнер қызметкерлерінің күніне арналған салтанатты іс-шарада, мәдениет саласын дамытудағы ерен еңбегі үшін Ақмола облыстық тарихи-өлкетану музейінің этнография бөлімінің аға ғылыми қызметкері Айман Сағитқызы Салмұхаметова ҚР Мәдениет және спорт министрлігінің «Мәдениет саласының үздігі» төс белгісімен марапатталғаны жөнінде қуанышты хабармен бөлісеміз.

Сондай-ақ, Бөгенбай батыр атындағы Ерейментау тарихи-өлкетану музейінің негізін қалаушы Тұрсынай Нұртазинқызы Шушанова «Еңбек ардагері» құрмет атағына ие болды.

Әріптестерімізді шын жүректен құттықтай отырып, зор денсаулық, шығармашылық табыс пен мол бақыт тілейміз.