Ақмола облысының Біржан сал ауданында «Ғасырлар аманаты» атты көрмесінің ашылу рәсімі

«Рухани жаңғыру» бағдарламасы және Қазақстан Республикасының Бірінші Президенті Н. Ә. Назарбаевтың «Ұлы даланың жеті қыры» бағдарламалық мақаласын іске асыру шеңберінде Ақмола облыстық тарихи – өлкетану музейі Ақмола облысының қалалары мен аудандарында «Ғасырлар аманаты» атты кешенді тарихи – этнографиялық көрме жобасын жалғастырып жатыр. 6 тамыз күні Ақмола облысының Біржан сал ауданында «Ғасырлар аманаты» көрмесінің ашылу рәсімі өтті. Көрменің ашылу салтанатында Біржан сал ауданы әкімінің орынбасары Ахметова Орынбасар Теңдікқызы және ауданының құрметті азаматы Жүсіпов Сауытбай Әбішұлы құттықтау сөздерін жолдады. Көрмені Біржан сал ауданының әкімі Ермек Бекеновович Нугманов және мәдениет және тілдерді дамыту бөлімінің басшысы Бахтияр Маратұлы Мустафин тамашалады. «Ғасырлар аманаты» көрме жобасы және көрменің ұйымдастырылу мақсаты туралы Ақмола облыстық тарихи - өлкетану музейінің бас қор сақтаушысы Изанова Гүлден Камакайқызы баяндап берді. Экскурсовод Айгерім Бауыржанқызы Айдарбекова көрме бойынша тақырыптық экскурсия өткізді.