29 тамызда Бөгенбай батыр атындағы Ерейментау аудандық тарихи-өлкетану музейінде Елбасының Рухани жаңғыру бағдарламасы аясында «Музей түні» акциясы өтті

29 тамызда Бөгенбай батыр атындағы Ерейментау аудандық тарихи-өлкетану музейінде Елбасының Рухани жаңғыру бағдарламасы аясында «Музей түні» акциясы өтті. Сол түні музей қызметкерлері келушілерге Ереймен елінің тарихын насихаттап, залдарға шолу саяхат ұйымдастырды. Сондай-ақ іс –шара барысында қонақтарға «Қазақтың туы желбіре» атты тақырыптық көрме ұсынылды. Көрмеге тәуелсіздік дәуірінде баспадан шыққан өлкетанушылардың басылымдары мен ата заң жөнінде жазылған кітаптар қойылды. Әрі қарай «Әжемнің сандығынан» циклі негізінде «Құрт жасап үйренейік» тақырыбында дәріс оқылып, шеберлік сағаты өтті. Археологтардың зерттеулері бойынша алғаш рет Алтай өңірінде Пазырық қорғанында /б.з.д. 5-3ғғ/ табылып, осы күнге дейін өз құндылығын жоғалтпаған, ұлттық тағамымыз құрттың адам ағзасына пайдасы мен жасалу жолдары жөнінде ақпаратты Ерейменге еңбегі сіңген ардагер- ұстаз Жаниева Тиыштыш Жаниевна таныстырды. Музей түні акциясының соңында көрермендердің назарына 1984 жылы «Ақмола» телестудиясы түсірген «Ауыл қарттары» атты деректі фильмі қойылды.