Барлау экспедициясы

"Рухани жаңғыру" бағдарламасы аясында, Ботай мәдениетіне тиесілі жаңа ескерткіштерді анықтау мақсатында Ақмола облыстық тарихи-өлкетану музейі археология профессоры В.Ф.Зайбертпен бірлесіп, СҚО-ғы "Ботай" ашық аспан астындағы музейі мен Бурабай ауданындағы "Ботай-Бурабай" археологиялық-этнографиялық кешенге баруымен бірге Біржан сал ауданына, сондай-ақ Бурабай мен Бұланды аудандарына барлау экспедициясын ұйымдастырды. Бірінші күні құрамында облыстық музейдің маманы Максим Половцев бар экспедиция қатысушылары СҚО-ғы музейге барды, кейін экспедиция бағыты бойынша Жөкей көліне қарай аттанды.