Музейдің алғашқы қонақтары

Құрметті жерлестер, қала қонақтары! Кеше хабарлағандай, бүгіннен бастап музей өз келушілерін қабылдай бастады. Реэкспозициядан кейінгі музейдің жаңа экспозициясын 100-ден артық адам тамашалады. Ақмола облысы мәдениет, архивтер мен құжаттамалар басқармасы басшысының міндетін атқарушысы Г.С.Бекназарованың басшылығымен келген қызметкерлер музейдің алғашқы қонақтары болып, жаңа экспозицияға жоғары баға берді. Сондай-ақ, қалалық музейлердің қызметкерлері, мектеп оқушылары, қала тұрғындары мен қонақтары жаңартылған экспозициямен танысып, бірегей жәдігерлер туралы пікір алмасты. Және де, музейдің өркендеуін, жаңа құнды жәдігерлермен толықтырылуын тіледі.