«Жерді қорғау күні» атты дөңгелек үстел

21 сәуір күні Ақмола облыстық тарихи-өлкетану музейінде «Өркениеттің қалдықтары: мәселелері мен шешу жолдары» атты жоба аясында Халықаралық мамандандырылған Астана ЭКСПО-2017 «Болашақтың энергиясы» атты көрмеге арналған Дүниежүзілік Жер күніне «Жерді қорғау күні» атты дөңгелек үстел отырысы өтті.

22 сәуір – Халықаралық Жер күні – планетаға деген жауапкершілік әрі адам қызметінің қайтарымсыз салдарына жол бермеуді еске салады. Бұл күнді өзімізге қажетті – таза су, жер мен ауа мерекесі деуге де болады.

Дөңгелек үстел отырысының қатысушылары: «Жерді қорғау күні» атты ғылыми жобалар байқауының жеңімпаздары, баяндамашылардың жетекшілері; Ш. Уәлиханов атындағы КМУ-нің география, экология және туризм кафедрасының, Көкшетау жоғары медициналық колледжінің оқытушылары мен студенттері; «Көкшетау» МҰТП-нің, Ақмола облысы бойынша экология Департаментінің, Ақмола облысының табиғи ресурстар және табиғатты пайдалануды реттеу басқармасының өкілдері, «LS Kokshetau» ЖШС.