«Цифрлық дәуірдегі Қазақстан музейлері: жаңа талаптар мен мүмкіндіктер»

Бүгін, 19 тамыз күні Қазақстан Республикасы Мәдениет және спорт вице-министрі Н.М. Дәуешовтың төрағалығымен «Цифрлық дәуірдегі Қазақстан музейлері: жаңа талаптар мен мүмкіндіктер» тақырыбында Қазақстан Республикасы Мәдениет және спорт министрлігінің Музей ісі жөніндегі көркемдік кеңестің кезекті отырысы онлайн форматта өтті. Көркемдік кеңес отырысында Қазақстан Республикасындағы музейлердің онлайн-режимдегі қызметін жетілдіру, цифрлық дәуірдегі отандық музей саласының қызметін дамыту, жалпы музей ісі қызметіне қолдау көрсету және музей саласының онлайн режимдегі қызметін тұрғындарға қолжетімді ету мәселелері талқыланды. Отырысқа Ақмола облыстық тарихи-өлкетану музейінің директоры Қуаныш Ғибадатұлы Шақшақов "Музей на стыке столетий. Культурное наследие и цифровые технологии" баяндамасымен қатысты.